Skip to content

Fréttir

Gleðilegt sumar!

Skráning er hafin á næstu námskeið

IMG Golf Fitness 50+

Vellíðan – leikni – árangur
  • Tímar þriðjudaga og fimmtudaga 17:05 – 17:50.
  • 4 vikna námskeið hefst 19.maí.
  • 2x í viku. Verð: 17.600 kr.
  • 1x í viku. Verð: 9000 kr. 

IMG Golf Fitness námskeiðin eru sniðin að þörfum kylfinga 50 ára og eldri þar sem markvisst er unnið í að bæta hreyfigetu líkamans í gegnum alhliða liðleika-, teygju- og styrktarþjálfun. Sérstök áhersla er lögð á æfingar fyrir miðju- og mjaðmasvæði líkamans. Notuð er tónlist í æfingum sem eykur ánægju og hjálpar til við að þjálfa rythma og samhæfingu.

Hóptímar í skemmtilegum félagsskap, bæði fyrir karla og konur.

IMG Vellíðan, konur 50+

Gæðaþjálfun í góðum félagsskap 
  • Tímar mánudaga og fimmmtudaga kl.9:25 – 10:15. 
  • 4 vikna námskeið hefst 18.maí.
  • 2x í viku. Verð: 17.600 kr.

Morguntímar fyrir hressar konur 50+ þar sem markvisst er unnið í að bæta líkamlegt hreysti og vellíðan í gegnum fjölbreytt æfingakerfi. Notast er við lóð, teygjubönd og eigin mótstöðu í styrktaræfingum með áherslu á jafnvægi og djúpvöðvastyrk. Unnið er gegn stirðleika í gegnum dásamlegar liðleika- og teygjuæfingar. Námskeiðin innihalda fullt af fjölbreyttum og orkugefandi æfingum þar sem gæði, metnaður og gleði eru í fyrirrúmi. 

Nánari upplýsingar veitir Irma á netfangið irma@internet.is 

IMG Liðleiki & Bandvefslosun - Nýtt námskeið hjá IMG

4 vikna kynningarnámskeið 1x í viku hefst 20.maí

att.ZNX0KLVGtFmjOKAdYu2OslecyU4cetQK8LsrmjUIrNQ

IMG Liðleiki & Bandvefslosun

Endurnærandi tímar gegn stirðleika

  • Miðvikudaga kl.16:50 – 17:40
  • Kynningarnámskeið 1x í viku, 4 skipti
  • Verð: 9400 kr.

Endurnærandi og orkugefandi námskeið þar sem unnið er í að bæta hreyfanleika, liðleika og líkamsstöðu. Hver tími inniheldur liðkandi yogaæfingar, mýkjandi teygjur og bandvefslosun með nuddboltum. Notaðir eru nuddboltar til að nudda og næra bandvefinn en við það mýkist bandvefurinn og blóðflæði eykst til vöðvanna. Æfingar með nuddboltum draga úr óþarfa vöðvaspennu, bólgum og eymslum í líkamanum.

Tímarnir eru 1x í viku, kærkomin viðbót við aðra líkamsrækt en einnig fyrir alla sem vilja hlúa að líkamanum, óháð annarri þjálfun. Námskeiðið er ætlað byrjendum jafnt sem lengra komnum. Dásamlegir tímar sem stuðla að endurheimt, meiri hreyfanleika, liðleika og vellíðan.