Fréttir
Skráning er hafin á vornámskeiðin sem hefjast fimmtudaginn 15.maí
IMG Golf Fitness 50+
Vellíðan – leikni – árangur
- Stutt en laggott vornámskeið 2x í viku.
- Tímabil: 15.05 – 10.06
- þriðjudaga og fimmtudaga 17:05 – 17:50. Verð: 13.900 kr.
- 4 skipti, stakir tímar, verð: 7900 kr. Mæting þegar hentar á þriðjudegi og/eða fimmtudegi, meðan á tímabili stendur.
IMG Golf Fitness námskeiðin eru sniðin að þörfum kylfinga 50 ára og eldri þar sem markvisst er unnið í að bæta hreyfigetu líkamans í gegnum alhliða liðleika-, teygju- og styrktarþjálfun. Sérstök áhersla er lögð á æfingar fyrir miðju- og mjaðmasvæði líkamans. Notuð er tónlist í æfingum sem eykur ánægju og hjálpar til við að þjálfa rythma og samhæfingu.
Hóptímar í skemmtilegum félagsskap, bæði fyrir karla og konur.
IMG Vellíðan, konur 50+
Gæðaþjálfun í góðum félagsskap
- 4 vikna námskeið 2x í viku.
- Tímabil: 15.05 – 12.06.
- Mánudaga og fimmmtudaga kl.9:25 – 10:15.
- Verð: 15.900 kr.
Morguntímar fyrir hressar konur 50+ þar sem markvisst er unnið í að bæta líkamlegt hreysti og vellíðan í gegnum fjölbreytt æfingakerfi. Notast er við lóð, teygjubönd og eigin mótstöðu í styrktaræfingum með áherslu á jafnvægi og djúpvöðvastyrk. Unnið er gegn stirðleika í gegnum dásamlegar liðleika- og teygjuæfingar. Námskeiðin innihalda fullt af fjölbreyttum og orkugefandi æfingum þar sem gæði, metnaður og gleði eru í fyrirrúmi.
Nánari upplýsingar veitir Irma á netfangið irma@internet.is
IMG heilsurækt í samstarfi við Golfskálann
Sláðu tvær flugur í einu höggi!
Golfferð til Spánar með Golf Fitness tímum.
Teygt og liðkað á Sólþakinu í golfferðum Golfskálans til Almerimar á Spáni
Golfskálinn býður upp á golfferðir til Almerimar á Spáni og eru ferðirnar í samstarfi við IMG heilsurækt en Irma er fararstjóri í ferðunum ásamt manninum sínum Guðjóni Bragasyni.
Auk þess að sjá um fararstjórn í ferðum Golfskálans til Almerimar býður Irma farþegum upp á sérsniðna Golf Fitness tíma sem hafa það að markmiði að auka ánægju, upplifun og vellíðan kylfinga í ferðunum. Í boði eru dásamlegar liðleika- og teygjuæfingar sem stuðla að endurheimt líkamans eftir golfið. Æft er við ljúfa tónlist, undir berum himni á sólþaki hótelsins. Í undanförnum ferðum hafa tímarnir verið vel sóttir af farþegum og mikil ánægja með æfingarnar. Nánari upplýsingar um Almerimar golfsvæðið og ferðirnar er að finna á vef Golfskálans, https://golfskalinn.is/almerimar/
