Með hækkandi aldri finna flestir fyrir auknum stirðleika og jafnvel verkjum og bólgum í liðum. Liðkandi æfingar og teygjur vinna gegn margvíslegu ójafnvægi og misræmi í vöðvum og liðum en misræmið tengist oft rangri líkamsbeitingu og álagi. Á námskeiðinu er markvisst unnið í að bæta liðleika og leiðrétta líkamsstöðuna en æfingarnar eru jafnframt streitulosandi og ánægjulegar. Unnið er með öndun, mýkt og flæði í hreyfingum og endar hver tími á slökun og kósíheitum við notalega tónlist.

Ávinningur tímanna er aukin hreyfifærni sem stuðlar að auknum lífsgæðum og vellíðan. Endurnærandi tímar fyrir líkama & sál.